فوكس/ هويدا حمزة/ ست المريسة سممت الدعامة وست الشاي كيفتهم !!

-بعد الحرب دي تنتهي بانتصار الوطن بإذن الله ما عاوزين لينا اي حبشي حايم في البلد دي من تسفاي لآبي احمد مفهوم الكلام ده؟
مصر يا اخت بلادي يا شقيقة.
-بعد الحرب دي ما عاوزين لينا اي حركة مصلحة حايمة في الخرطوم دي بلا حجر بلا هادي بلا مناوي بلا بتيخ.
الوحيد الذي أدان التمرد هو اردول ومع ذلك نرحب به كمواطن لا كحركة مصلحة أو كفاح مصلح .
-بعد الحرب دي تنتهي بانتصار الوطن بإذن الله ما عاوزين لينا اي ديموقراطية حايمة في البلد دي ولا عاوزين نسمع نبيح اي حزب..ولا عاوزين انتخابات زاتو..جيش بس بل بس وياريت يكون حاكم دكتاتور عدييل خراب وش يمشينا على العجين ما نلخبطوش ويا بلال علي .اصلا البلد دي ديموقراطية ماتنفع فيها وتعال يالكلب شيل الديموقراطية دي شوف كان تلقى زول يقول ليك جر ..ديموقراطية شنو اابتجي بالسلاح ياقوت.. جنيتو انتو؟
-بعد الحرب دي تنتهي بإذن الله ما عاوزين لينا اي لجان قمامة حايمة في البلد دي ..برميل القمامة بتاع المحلية زاااتو مابلزمنا.تتجسسو على أهلكم وجيرانكم عشان القروش يا باطلين؟تفوو عليكم وعلى سراويلكم الناصلة.
-بعد الحرب دي تنتهي بإذن الله ما عاوزين لينا اي ست شاي مرتكزة في البلد دي..ست المريسة قالو سممت الدعامة بينما ستات الشاي بصلح ليهم المزاج!!التحية لإندايات بلادي.
اللهم انصر جيشنا الحراس مالنا ودمنا ودمر العدو و ر كيد الكائدين إلى نحورهم .