وجه الحقيقة

إخلاص شمبات تكتب /الحربة اللعينة/قصبدة

حلفو وقسمو وحلفو وقسمو يدمرو للخرطوم
عقدو النية بعزيمة قوية حلفو يدمرو للخرطوم
شرقو غربو دخلو ومرقو حلفو يدمرو للخرطوم
خانو الجيرة بطريقة شريرة حلفو يدمرو للخرطوم 😪💔
الخرطوم بلد الحنان الخرطوم بلد الامان الخرطوم لكل انسان
حلفو وقسمو وقسمو وحلفو وقسمو يدمرو للخرطوم 😭😭😭دمرو القيادة العامه كتير دمرو برى وشرق النيل
دمرو خربو بدون تقدير والمستشفيات سكنوها عديل
خربو ونهبو وسلبو فى الخرطوم
الخرطوم بلد الامان الخرطوم بلد الحبان الخرطوم لكل انسان🥰🥰🥰
خربو مروى والخرطوم ضربو محل الطيارة تقوم
خربو مراكز ومستشفيات خربو البنية التحتية بالزات
دمرو خربو حرقو سلبو ونهبو فى الخرطوم
الخرطوم بلد الامان الخرطوم اخو الاخوان
الخرطون لكل إنسان الخرطوم جامع البلدان
😩😩😩
ضربو البنوك بالتحديد كافورى ياناس ضربوها شديد
ضربو بحرى شمبات بالذات ضربو المؤسسة والمظلات
ضربو الصبابي والشعبية وحلة حمد والخوجلاب
خربو نهبو وسلبو دمرو دمرو فى بحرى كمان
بحرى ياناس بلد الامان بحرى ياناس بلد الحبان بحرى ياناس لكل انسان
💞💞💞خربو نهبو دمرو خربو حرقو وسرقو فى امدرمان
دمرو صالحه والمربعات وخشو الشقلة والفتيحاب
ضربو الدوحة والمهندسين والمنصورة ومدينه النخيل والازاعة سكنوها عديل
امدرمان بلد الامان امدرمان بلد الحنان امدرمان بلد السودان امدرمان فى كل مكان
جمعو وطرحو زرعو وحصدو فكرو يدمرو للسودان دخلو مرقو شرقو غربو فكرو يدمرو للسودان
عقدو النية بطريقة قوية فكرو يدمرو للسودان خانو الجيرة بروح شريرة فكرو يدمرو للسودان
😭😭😭السودان ياهو دا السودان السودان بلد الحبان السودان وديع السودان حاوى الجميع.
فاتح ارضو لكل دخيل مرحب بيهم كبير وصغير
يااااحكومة اعقدو الهمة خلى سودانا يصل القمة
مافى دخول لدول اجنبية لاجواز واوراق ثبوتيا
تاتى بلدنا مابنفرض فيها جيشنا موجود دايما حاميها

_إخلاص شمبات_