" الحياة اليوم " جريدة إلكترونية إخبارية سياسية شامله تقوم على التحليل والرأي ونقل الحقيقة كما هي. تقدم خطابا إعلاميا متزن، ويلتزم بوصلة وحيدة تشير إلى تحرير الإنسان في إطار يجمعنا داخل الوطن كله ولا يعزلنا

لدى لقائه بفعاليات الاقليم مناوي يحذر من المساس باتفاق جوبا لانه لولاه لاختلف موقف المشتركة في الحرب
الحياة اليوم :هويدا حمزة
حذر حاكم اقليم دارفور مني اركو مناوي من المساس باتفاق جوبا والتنمر عليه وقال انه الحسنة الوحيدة الباقية من الفترة السابقة انه حق مكتسب ولولاه لاختلف موقف القوات المشتركة في المعركة الآن وقال الذين يسعون لحكومة منفى هم يبحثون عن مناصب في الحكومة بأي ثمن واضاف :(لو عاوزين مناصب كانوا يقعدو الطردهم منو ما لم يكونوا دعامة ) جاء حديث مناوي في لقاء حاكم دارفور بفعاليات الاقليم تحت شعار (وحدة الصف الوطني) وانتقد مناوي الاصوات التي تنادي بفصل دارفور لأن هنالك أصوات مزعجة أو لأن هناك ( واحد عاوز ينفصل لأنه دولته بتشبه دولة فلان ) قال ان اهل دارفور اذا أرادوا الانفصال فليجلسوا بعد بعد الاستقرار ويفكروا كيف ينفصلوا.
وبين مناوي ان بعض دول الجوار اعتقدت انه اذا تم فصل دارفور سيكون ذلك امتداد لها واكد ان دارفور ليس كلهم دعم وليس كلهم تقدم واضاف ( فى شباب دخلوا تقدم من الشباك ما كانو معانا في الحرية والتغيير كلمة حكومة المنفى كلمة عويرة منو طردك.يجب أن ننفتح جميعا من أجل هذه البلد مافي زول بوحد بايدلوجيته هو)
ودعا مناوي لتكوين آليات للتواصل الاجتماعي للحد من الانشقاق الاجتماعي وحذر من نسب جرائم الدعم السريع لغير الدعم السريع كما طالب بتوعية الناس بتقليل الاستنفار لصالح الدعم وتقوية المستنفرين لصالح القوات المسلحة.واكد أن البرهان لن يرغب في الحكم بعد الحرب لانه (تعب عشان كدة ما حايقولو عاوز يبقى حاكم وانا شخصيا تعبت ).وجزم بأن السودان اذا وصل لمرحلة سودان واحد مستقر الباقي كله هين.
واشار الى ضرورة التواصل مع الدول الداعمة للدعم السريع لاقناعها بفشل مشروعها.واضاف 🙁
الناس ديل عاوزين دارفور تكتيكيا لأنهم عاوزين السودان كله
كما دعا لنبذ خطاب الكراهية مطالبا بتكوين أجسام لتجلس مع بعضها للتفاكر حول الاعمار وعودة النازحين من الآن لأن السياسة هي تقديم الخدمات وليس المناصب
وأنتقد مناوي هجوم الدعم على المستشفى السعودي وقال :(مافي معارضة عندها مسيرة تضرب مستشفى سعودي وحميدتي نفسو لو سألتو حايقول ليك اقسم بالله العظيم ده ما أنا)
وزاد :(اي ناس ممكن يتباعو وهم العملاء الرخيصين.الما بتباعو ممكن يغتالو.
العملاء زي سفة الصعوط اول ما ينتهي ..تف)
واكد مناوي انه اذا لم يتم جمع الهامش والمركز سيستمر الصراع وسيصل إلى معادلة صفرية.
وقال ( الحرية والتغيير راس الرمح بتاعها نداء السودان
ياسر عرمان ومريم نوابي وأمين محمود مؤتمر شعبي وغيرهم ثلاثة سنة لفينا ودورنا مع بعض ماعارف هم بقو حرية وتغيير وانا بقيت فلول كيف حا اكشف حالهم واكشف حالي السياسة خدمة للأهل وتنبني بالمصداقية مما ممكن اجيب أكبر كذاب واقول عليهو سياسي مرموق ما ممكن تجيب لي زول اكل بنك كامل وتقول عليهو سياسي )
ونقل مناوي شهادة استاذ تعليم رحل قال انه حتى نهاية حكم البشير كانت هنالك 5 مدارس و400 طالب
الا انه في هذه اللحظة التي كان يتحدث معه لم يعد هناك معلم ولا مدرسة ولا طلاب
لأنهم جميعا اخذهم الدعم سريع واضاف :
تسميهم رحل زي البهيمة. مافي ناس استفادو من الإنقاذ زي مابقولو العرب اكتر ناس ما استفادو .
الحرب وراها أجندة كتيرة صحيح ممكن تنفذ بأيدي سودانية لكن وراها دول كثيرة .يجب أن يستنفر الشعب نفسه لاحتواء المشكلة لصالح الاستقرار.
