" الحياة اليوم " جريدة إلكترونية إخبارية سياسية شامله تقوم على التحليل والرأي ونقل الحقيقة كما هي. تقدم خطابا إعلاميا متزن، ويلتزم بوصلة وحيدة تشير إلى تحرير الإنسان في إطار يجمعنا داخل الوطن كله ولا يعزلنا

*فوكس* هويدا حمزة مظاهرات الخرطوم.. واااي خوفتونا يالصبجات 😂
عندما تجتمع سوء التربية مع سوء التغذية تخرج الينا كائنات مثل الصبجة التي كانت تحمل (الدلوكة) الكبيرة بتاعة المداحين وتهتف هي وغيرها من قطيع قحت الذي خرج بالامس في الخرطوم فيما يسمى ب(المظاهرات) تهتف (العسكر للثكنات والجنجويد ينحل) غايتو دلوكة شايلة دلوكة الله يعز السامعين. ابشرك يا حلوة يا ام بنطلون وانتي فيهو زي المفراكة في حلة البامية.. ابشرك الجنجويد (ينبل) وتنبلو انتو معاهو يا سجم الرماد المواطن نفسه الذي تأذي من ثورتكم اللعينة ببلكم. وابشرك كمان لن يعود العسكر للثكنات الجيش مفوض من قاطبة الشعب السوداني حتى تنتهي الحرب بإذن وتقام الانتخابات ويأتي الإسلاميون الذين تنحوا عن السلطة عندما هتفتم تسقط بس وتبل كل الكيانات الهلالية العميلة.
تقولون البشير صنع حميدتي.. ايوة نعم صنعو ولكن لم يجعله نائب رئيس بل عبد مطيع.. كان بملا ليهو الابريق والعهدة على الرواي وقاعد في علبو يجي الخرطوم ستة شهور مايقابل البشير.. شفتو الرجالة كيف.؟ ثم ثانيا اسالكم انتو طلعتو لشنو؟ لعلمكم نحن كشعب سوداني ماعاوزين ثورة تاني.. مواصلات الثورة ما بنركبا ونحن نقترح عمل دراسة لتغيير اسم الثورات حتى لا تذكرنا تلك اللعينة التي اوصلتنا لهذا الحال.
ذلك الوضيع الذي كان يشتم ويسئ الادب مع أفراد الشرطة ويقول ليهو انتو طلعتو ونحن قاعدين.. انت قاعد ياروح امك لانك دعامي وبتسنرزق منهم والطبيعي ان تخرج الشرطة كما خرج عامة الشعب من مناطق الحرب لانها غير مسلحة عسكريا فهي جهاز مدني يقدم الخدمات للجمهور ويأتي دورها بعد الحرب وهذا ما قامت به الشرطة الآن من تعقيم للمدن من مخلفات الحرب و افتتاح مجمعات خدمات الجمهور وتأمين العاصمة وغيرها من الخدمات المهمة. انا ما حا اقول ليكم كلام كبار كبار لانكم ما حاتفهمو فرؤوسكم فارغة الا ماحشوها به (ناس السنابل والمجد للسانك) ولكن اقول (الوبا ولا الغباء).
عاوزين شنو؟ تجيبو حميرتي تاني؟ والله تشموها قدحة ولو البرهان نفسو وافق على عودته باي تسوية سياسية أو تفاوض نحن الشعب السوداني الفضل حا نمرق وتهتف يسقط البرهان ويسقط العسكر. وكلنا ثقة ان ذلك لن يحدث الا اذا كانت إحدى علامات الساعة. البلد دي ما بتشيلنا نحن و الجنجويد ياهم يا نحن.. يفنو أو نفني
