فوكس/ هويدا حمزة/ ايلا رجع.. سهر الجداد ولا نومو

(بلد مافيها ايلا يا حليلا) ، من أين أتت هذه الجموع التي استقبلت الرجل؟ ومن أين اتي ايلا بهذه الثقة وهو يلقي كلمته الأولى بعد وصوله (بالله رئيس وزراء بس😂(البرود) ما حبابو ياود أمي😝
بحاول اكون حنينة على الجماعة لكن ما بقدر مابقدر مابقدر 10 مرات 🙈
هل جاء ايلا ليشغل المقعد الخالي الذي تجري المنافسة عليه على قدم وساق؟ إن كان الأمر كذلك فحبابَو 10 بلا كشرة بالله اغنية ايمان الشريف في التيك توك التي تم تشغيلها في الخلفية لحظة وصول ايلا لبورتسودان وسط استقبال مشهود وحشود لم تحشد ولم (تقبض) لتحتشد تلك الأغنية كأنما فصلت عليه وقد افلح من اختارها (شن القصة شن جاب لي راجلا حر كلمتو قوية وبين يا يمة شن الجيب هي مو عيب اياها منو دي المحرية ات دخرينا يالعمسيب باشي مفندر الطاقية أت يالغنجري اب جيبين الا آخر الأغنىة.
حاتقولو كوزة؟ قولو ياخ ماعادت قوالتكم تفرق!
احد مناضلي الكيبورد كتب على صفحته (طفح الكيل خلال اليوم ده عندي لايف .. حأكد علي وقتو لاحقا باذن الله الناس تجهز وتستنى البل الحينفش ريش الجماعه الفرحانين) الكلام ده بعد رجوع ايلا طبعا.
اها يا عين (امك) ما وريتنا عملت شنو؟ نحن الفرحانين قاعدين ماكلين شاربين مبسوطين ماحصل لينا اي حاجة..
اقول ليكم حاجة والله الزول الناوي على نتف الريش نتفو ليهو شباب الفيس ريشو نتف لامن صرخ. الكلام حاجة والفعل حاجة تانية خالص وأساسا أبن آدم لسان بس 😂
ايلا حديد والباقي دقيق.. اول مرة أزور مدينة بورتسودان ذهلت بجمالها وجمال المنظر على كرنيش النيل رجل مبدع هذا الايلا أسس بنية تحتية ممتازة للولاية والحمد لله انه ماكان في الخرطوم كان خربوها ناس حانبنيهو البناطلينهم ناصلة زي ماخربو طرق وانتر لوك الخرطوم قال حانبنيهو قال.. الواحد بنطلونو ما قادر يرفعو حايرفع ليهو بلد؟ 😏
سمعت عن لجنة شكلت لاستقبال العالم الجليل الشيخ عبد الحي يوسف الذي اوذي في بلده، لا أدري مدى صدق المعلومة لكن عموما (سهر الحداد ولا نومو) ناس الكيزان تاني مابرجعو جهزو (البامبرز) والريحة الحلوة حتى لا تفوح ريحكم يا من آذيتموه وآذيتم الدين في شخصه وابشركم حايرجعو واحد واحد.
اها ياناس العسكر للتكنات عملتو لينا شنو في الحكومة بعد خروج الجيش من المشهد؟
لم نر طحنكم بعد😎
وجدي صامولة قول واااي ولا اقول ليك اعمل ميت