" الحياة اليوم " جريدة إلكترونية إخبارية سياسية شامله تقوم على التحليل والرأي ونقل الحقيقة كما هي. تقدم خطابا إعلاميا متزن، ويلتزم بوصلة وحيدة تشير إلى تحرير الإنسان في إطار يجمعنا داخل الوطن كله ولا يعزلنا

الدموع السايلة منك/ من حوامة الكدرابي ليوسف عزت الماهري
الحياة اايوم
الدموع السايلة منك
ياما سالت من حبايب
كانوا آمنين في بيوتم
قمتو سويتو العجايب
جيتو هددتو وصرختو
جبتو من برة المصايب
ارتزاق من الافارقة
ما بعرفوا الفعلو عايب
جبتو ناس ما بخافو الله
كل حاقد وكل خايب
دون حق طلعتو اهلنا
وصرتو ضاربين الهبايب
في الأوض شارين هدومكم
واللبن شاربنو رايب
تنهبوا الخرفان جهارا
وتضربوا الشية ومطايب
هسة مالك قمت تبكي
وتلعن الحظ والنوايب؟
تمسي في (العربية) جايط
وفي (الحدث) صباحي تايب
وفي (الجزيرة) تنوح تجعر
(دقلو) مافي (وبلة) غايب
الله ياخدكم بجندو
خوف نفوسكم ليها صايب
جيش يشوتكم في جحوكم
كم وراهو تقيف كتايب
او مرض يمسك جلودكم
وللا تقرصكم دبايب
ويرجع السودان معزة
وكل زول لي رشدو ثايب
*حوامة الكدرابي*
