وجه الحقيقة

*فوكس* هويدا حمزة *هووي ياقونات*!! 🤮

لو في زول قال ليك ياقونة انصحك تزعل منو شديد ولو قدرت اعمل ليهو إجراءات. صراحة مرة زميل عزيز اختلفت أو اختلفنا باعتبارها مجموعة مع الكيان بتاعو وردحت ليهو في عمودي فقال لي لم لاقاني (لم تبطلي اسلوب القونات ده نرد ليك) ماعافية ليك يا هناي. انا رداحة صراحة لكن ردحتي محترمة واستعدلت كثير من الصور المقلوبة في بورتسودان
عشة الجبل وهبة جبرة تفووو عليكن وعلى وجوهكن وخلقكن المغيرة دي .. وانتن مابراكن معاكن كتير من السودانيات الماعندهن وليان بقرعوهن اقسم بالله الدعامية الاسما غالية حسين احسن منكن مع كراهيتي للدعامة على الاقل هي بتفتكر انها عندها قضية من وجهة نظرها هي طبعا تتمثل في مساندة القبيلة أو الاثنية وبتستغل (الكيت كوت) على قول راعي الابل مع اختلافي في المحتوى بتاعو هو وآخرين ليسو موضوعنا في هذه اللحظة رغم انهم بقصدون محاربة الظواهر السالبة ولكن ما هكذا تورد الابل ولكل شيخ طريقته تستغله في خدمة قضيتا. لكن انتن يا مبدلات (اللهم اني حاجة وانا مابقطع بقولو ليكن عدييل وشو ولا قفاهو) انتن قضيتكن شنو؟ ريحتي وريحتك وباروكتي وباروكتك يبرك فيكن فيل بركة الجمعة الجامعة والدعوة السامعة الغريبة ناس البليلة حرقتني وعديمي الموضوع بتابعوكن ولا يتابعون المحتويات الجادة الهادفة.. ديل بعرفو اخباركن اكتر مما بعرفو اخبار الفاشر بالله التقول منشطين بقروش حرام .. انا غايتو من تظهر لي واحدة فيكن أو زيكن (ببزغ) وبمرق طوالي
العالم استفاد كثيرا من التقنيات الحديثة ووسائل التواصل الاجتماعي (السوشيال ميديا) في مجالات الطب والصناعة والعلوم والفنون والعلوم الإسلامية وغيرها ونحن قد حولنا النعمة بسلوكنا الي نقمة فصارت السوشيال ميديا مسرحا للمهاترات وكل الظواهر السالبة من عرض للاجساد العارية التي عافتها النفوس السليمة وكذلك الرقص الخليع والقصص البايخة.. ياجماعة الحريم ديل ماعندهن وليان!؟ ولا عشان بجيبن القروش؟تجوع الحرة ولا تاكل بثدييها. وايما جسم نيت من سحت فالنار أولى به اللهم قنا عذاب النار.
مثلما يحجب قوقل صور القتلى وما شابه يفترض ان تحجب كذلك كل المحتويات البايخة من قبل حكومتنا ماعارفة كيف فالفضاء مفتوح لكن شوفو ليها صرفة..
عقب بجيكن بلايف عارفاكم ما حا تتابعوني لكن بجي. باذن الله… عشة الجبل نحن متبريين منك ليوم الدين. اوعك تنسبي اسمك للجبل الجبل طيب وأهله طيبون.