وجه الحقيقة

فوكس هويدا حمزة إقامة طيبة نتمناها لك في الضعين يا محمد عصمت 😍

والله صحي، المتغطي بالسياسة عريان، يعني محمد عصمت ده ما كان قاعد في أمان الله في بنك السودان بالخرطوم ماكل شارب مستمتع بالمن والسلوي تبع البنك التي يحلم بذرة منها الآخرين ولكنه اتبطر على النعمة وعمل فيها مدير ويادنيا مافيك الا انا وهاك يا اتهامات بالباطل. تحدث عن 64 مليار دولار في ماليزيا تخص الكيزان وصرخ وملا الدنيا ضجيجا محتفلا بتصريحه واحتفل القطيع بصراخه ولكنه اثبت فعلا ان الطبل الأجوف اكثر ضجيجا. ولم يستطع عصمت ولا قحته إثبات دعاويه الي ان غادروا الي مزبلة التاريخ غير مأسوف عليهم. 😇
محمد عصمت الذي يذكرني ببني إسرائيل الذين كانوا يستمتعون بالمن والسلوي ولكنهم اتبطرو على النعمة فطلبوا من الله استبدالها بالفوم والعدس هاهو محمد عصمت الآن (يتنكد تحت تحت) لأنه لا يستطيع الصراخ إحتجاجا على نقله إلى الضعين لأنو ماعندو لسان يصرخ بيهو.. لسانو قطعو البرهان بقرارات 25 أكتوبر عفيت منو.. نيابة عن عصمت يصرخ وفد الوساطة وهو (يترجا) محافظ بنك السودان إلغاء نقله وتركه في الخرطوم محل الرئيس بنوم والطيارة بتقوم ولكن المحافظ الشفت عفيت منو كمان يرفض الرجاءات ويطلب عدم التدخل في عمل البنك ليخرج الوسطاء يجرجرون اذيال الخيبة
(هو زول بتتوسط ليهو مريم المنصورة يكسب كيف) لو ما خايفة من نيابة المعلوماتية كنت بدل المنصورة كتبت وصف آخر 😂قالوا في حريم جو ماشين ببنية واحد من الشيوخ اسمو او كنيتَو (المنبطح) ومن بين الحريم واحدة بايركس كده فدعت (يالمنبطح النسوان كملن على الشاف والطلح) يعني عاوزة عريس كان من إحدى المرافقات ويبدو انها رباطابية الا أن قهمتها بقولها(المنبطح لو بعمل حاجة عاجباهو انبطاحتو دي)🤣🤣 واللبيب(و) بالاشارة يفهم. والشئ بالشئ يقاس.

إقامة طيبة نتمناها لك مع اهلنا في الضعين وهم أهل كرم وجود ومضيافين ونحن متطمنين عليك معاهم واذا ما عجبك الوضع اصرخ.. اصرخ.. اصرخ بكل ما أوتيت عسى أن تنفعك(صامولة) 😭😭😭